Siljan kommune

Siljan er ein kommune aust i Telemark fylke. Kommunen grensar i nord til Kongsberg, i aust mot Larvik, i sør mot Porsgrunn og i vest mot Skien.

Siljan kommune
kommune
Kommunevåpen
Land	Noreg
Fylke	Telemark
Adm.senter	Siljan
Areal	213,96 km²
•  land	202,79 km²
•  vatn	11,17 km²
Folketal	2 389  (1. januar 2025)
Målform	Nøytral
Ordførar	Elisabeth Hammer (KrF)
Kommunenr.	4010
Siljan kommune 59.2975°N 9.706389°E / 59.2975; 9.706389
Kart som viser Siljan kommune. Kart som viser Siljan kommune.
Wikimedia Commons: Siljan
Nettstad: https://www.siljan.kommune.no/

Namnet «Siljan» skal vera knytt til trenamnet selje. Kommunevåpenet viser tre opprette sagblad i sølv mot ein grøn bakgrunn, og står for dei tradisjonelle næringsvegane sagbruk og tømmerfløting.

Siljan kyrkje

Foto: Trond Strandsberg

Kommunen har rundt 2 400 innbyggjarar, rudnt 900 av dei bur i administrasjonssenteret Siljan. Meir enn halvparten av arbeidstakarane i Siljan arbeider i nabokommunane Skien, Porsgrunn og Larvik.

Høgaste punkt i kommunen er Rådmannen, som måler 646 moh. Størsteparten av Siljanvassdraget med utløp i Farris ligg i Siljan. Vassdraget er bygd ut med tre vasskraftverk.

Det blir også drive jordbruk og skogbruk her. Konsernet Treschow-Fritzøe eig det meste av skogen.

Fylkesveg 32 mellom Eidanger og Lågendalen er ein del av vegsambandet mellom Skien og Oslo, og går gjennom sentrum av kommunen.