Snøstjerne

Snøstjerne (Scilla forbesii) er ei plante i snøstjerneslekta i aspargesfamilien.^[1] Arten kjem opphavleg frå det vestlege Tyrkia.^[2] Arten var tidlegare rekna til slekta Chionodoxa med namnet C. forbesii.

Snøstjerne
Snøstjerne
Status
Status i Noreg: Framandart med potensielt høg risiko
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Aspargesordenen Asparagales
Familie:	Aspargesfamilien Asparagaceae
Underfamilie:	Scilloideae
Slekt:	Snøstjerneslekta Scilla
Art:	Snøstjerne S. forbesii
Vitskapleg namn
Scilla forbesii Speta, 1976

I Noreg er arten ein framandart som er innført som prydplante og som først vart funnen forvilla i 1978. Arten er i auke og veks talrike stader i kyststrøk og låglandet til Troms.^[2] I Framandartslista 2023 er arten registrert med potensielt høg risiko (PH),^[3] oppgradert frå låg risiko (LO) i 2018.^[4]

Det er gjort funn av hybridar med storsnøstjerne (S. forbesii × S. luciliae) frå Oslo til Drammen. Denne finst truleg mange fleire stader.^[2]