Sneppålfamilien

Sneppålfamilien er ein familie ålefiskar som lever pelagisk på djupt vatn i alle verdshav. Namnet sitt har han etter «nebba» til dei ulike medlemmane, som kan likna på det ein finn hjå snipefuglane. Sneppålar er særs tynne dyr med fleire ryggvirvlar enn noko anna dyr, somme eksemplar i slekta Nemichthys har opptil 760 av dei.

Sneppålfamilien
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Infraklasse:	Ekte beinfiskar Teleostei
Overorden:	Elopomorpha
Orden:	Ålefisk Anguilliformes
Familie:	Sneppålfamilien Nemichthyidae Kaup, 1859

Før opererte ein med to grupper sneppål: Ei gruppe med korte kjevar utan tenner og ei med langkjeva artar. I dag veit me at eksemplara med korte kjevar er kjønnsmogne hannar, medan dei med lange kjevar er hoer eller umogne hannar.

Artar

Sneppålfamilien omfattar ni artar fordelt på tre slekter. I norske farvatn er sneppål Nemichthys scolopaceus ein sjeldan gjest.

• Slekt Avocettina
  • Avocettina acuticeps (Regan, 1916).
  • Avocettina bowersii (Garman, 1899).
  • Avocettina infans (Günther, 1878).
  • Avocettina paucipora Nielsen & Smith, 1978.
• Slekt Labichthys
  • Labichthys carinatus Gill & Ryder, 1883.
  • Labichthys yanoi (Mead & Rubinoff, 1966).
• Slekt Nemichthys
  • Sneppål, Nemichthys scolopaceus Richardson, 1848.
  • Nemichthys curvirostris (Strömman, 1896).
  • Nemichthys larseni Nielsen & Smith, 1978.

Kjelder

• Vøllestad, Leif Asbjørn: Ålefisker i Norges dyr - Fiskene 2 Cappelen 1992
• FishBase