Snurrebass

Ein snurrebass er eit leiketøy som snurrar rundt sin eigene akse. I prinsippet består han av ei skive med ein smal pinne gjennom sentrum og vinkelrett på skiva.

Prinsippet for ein snurrebass.

Tegning: Frederik Lunde, 2014

Snurrebassar frå Japan

Leken fungerer etter gyro-prinsippet, slik at når ein snurrar han over ei viss hastigheit, held spinnet på skiva snurrebassen oppe. Han stoppar ikkje å snurra før farten blir låg nok til at tyngdekrafta overvinner spinn-krafta, og han velter. Snurrebassar viser også det fysiske fenomenet presesjon.

Det finst snurrebassar i fleire ulike utføringar, og spinnet kan setjast i gang med ulike metoder: manuelle, mekaniske og elektriske.