Socialistisk Folkeparti

Socialistisk Folkeparti i Danmark blei danna i 1959, med folk som var ekskluderte (utestengde) frå det danske kommunistpartiet i brodden. Fremst av dei var mangeårig leiar i kommunistpartiet, Aksel Larsen. Dei ville ha eit dansk demokratisk sosialistparti som var heilt uavhengig av Sovjetunionen etter avsløringane av stalinismen og etter undertrykkinga i Ungarn i 1956. SF ville skape ein tredje veg, annleis enn både kommunisme og sosialdemokrati slik desse hadde utvikla seg.

Socialistisk Folkeparti
Land	Danmark
Partileiar(ar)	Pia Olsen Dyhr
Grunnleggjarar	Aksel Larsen
Grunnlagt	15. februar 1959
Hovudkvarter	Christiansborg
Ungdomsorg.	Socialistisk Ungdoms Forum
Medlemstal	9 206 (2020)
Ideologi	folkesosialisme, demokratisk sosialisme, grøn ideologi, Markedssosialisme

SF har også teke opp i seg mange miljøforkjemparar, og reknar seg som eit raudgrønt parti.

SF har 14000 medlemer (hausten 2007). Ved valet i Danmark 15. september 2011 fekk SF 9,2 % av stemmene, og vart dermed femte størst. Partiet fekk 16 av 179 representantar i Folketinget.

Mangeårig leiar har vore Villy Søvndal, men han vart i 2012 avløyst av Annette Vilhelmsen.

SF er med i det nordiske venstrepartisamarbeidet Nordic Green Left Alliance.