Sokndal kommune

Sokndal er ein kommune heilt sør i Rogaland fylke, i Dalane. Kommunen grensar mot Vest-Agder fylke. Kommunen grensar i vest mot Eigersund, i nord mot Lund, og i søraust mot Flekkefjord. Den einaste offisielle tettstaden i kommunen er Hauge i Dalane med 2 400 innbyggjarar per 1. januar 2024. Sokndal kommune er elles kjend for strandstaden Sogndalsstrand og Jøssingfjord. Jøssingfjord er opphav til omgrepet jøssing, som dukka opp i Noreg under andre verdskrigen.

Sokndal kommune
kommune
Kommunevåpen
Land	Noreg
Fylke	Rogaland
Adm.senter	Hauge
Areal	295 km²
•  land	268 km²
•  vatn	27 km²
Folketal	3 371  (1. januar 2025)
Målform	nøytral
Ordførar	Bjørn-Inge Mydland (Sp)
Kommunenr.	1111
Sokndal 58.365°N 6.3102777777778°E / 58.365; 6.3102777777778
Kart som viser Sokndal kommune. Kart som viser Sokndal kommune.
Wikimedia Commons: Sokndal
Nettstad: www.sokndal.kommune.no

Sokndal kommune er Noreg sin fyrste medlemskommune av rørsla Cittaslow. Rørsla legg vekt på at ein skal ta vare på lokale særdrag. Eit hovudmål er å betra livskvalitet og skapa identitet til kommunen og staden.

Hjørnesteinsføretaket er Titania A/S som hentar ut titanmalm frå eit dagbrot. Titania er ein av dei største produsentane i verda av ilmenitt (jerntitanoksid).

Folketalsutvikling

Folketalsutvikling for noverande Sokndal kommune frå 1900:

1900 [1]	1.12.1920[2]	1.12.1930[3]	3.12.1946[3]	1.1.1951[4]	1.1.1961[4]	1.1.1971[4]	1.1.1981[4]	1.1.1991[4]	1.1.2001[4]	1.1.2010[4]
2968ab	2811ab	2728ab	3127ab	3234a	3578a	3480	3440	3453	3354	3285

^a Talet omfattar eit område som var del av Sokndal kommune fram til 1947, då det vart overført til Eigersund kommune. Dette området hadde då 7 innbyggjarar.

^a Talet omfattar ikkje garden Tjørn, som var del av Eigersund kommune fram til 1967, då han vart overført til Sokndal kommune, med eit innbyggjartal på 10 personar.