Solomon's Seal

Solomon's Seal var eit album frå 1972 av det britiske folkrockbandet Pentangle: Terry Cox, Bert Jansch, Jacqui McShee, John Renbourn og Danny Thompson. Det var det siste albumet deira med den originale Pentangle-besetninga, før bandet vart oppløyst i 1973. Jacqui McShee har sagt at det er hennar favorittalbum av bandet.^[2]

Solomon's Seal Studioalbum av Pentangle
Utgjeve	September 1972
Sjanger	Folk, folkrock[1]
Lengd	33:58
Selskap	Reprise
Produsent	Pentangle & John Wood
Pentangle-kronologi
Reflection (1971)	Solomon's Seal	History Book (1972)

Meldingar
Karakter
Kjelde	Karakter
Allmusic	[1]

Solomon's Seal vart spelt inn i Sound Techniques studio, London, mellom februar og mars 1972. Kontrakten til Pentangle med Transatlantic hadde gått ut, og midt under ein krangel med Transatlantic om honorar, byta bandet til Warner/Reprise, som hadde vore distributøren deira i USA. Albumet kom ut i september 1972, samstundes med at bandet la ut på ein ny turne. I starten av 1973 vart bandet lagt ned og plata selde skuffande, og bandmedlemmene måtte betale gjelda etter innspelinga til ut i 1980-åra.^[3]

Albumet opnar med versjonen deira av Cyril Tawney-songen om den tapte kjærleiken til ein sjømann: «Sally Free and Easy». I motsetnad til den vanlege sjantiutgåva, handsamar Pentangel songen som ein langsam blues. Resten av albumet er delt mellom tradisjonelle songar og deira eigne komposisjonar.

Innhald

Nr.	Tittel	Låtskrivar(ar)	Lengd
1.	«Sally Free And Easy»	Cyril Tawney	03:55
2.	«The Cherry Tree Carol»	Trad. arr. Jansch, Renbourn, Thompson, Cox, McShee	02:57
3.	«The Snows»	Jansch, Renbourn, Thompson, Cox, McShee	03:43
4.	«High Germany»	Trad. arr. Jansch, Renbourn, Thompson, Cox, McShee	03:15
5.	«People On The Highway»	Jansch, Renbourn, Thompson, Cox, McShee	04:46
6.	«Willy O' Winsbury»	Trad. arr. Jansch, Renbourn, Thompson, Cox, McShee	06:50
7.	«No Love Is Sorrow»	Jansch, Renbourn, Thompson, Cox, McShee	02:41
8.	«Jump Baby Jump»	Jansch, Renbourn, Thompson, Cox, McShee	03:10
9.	«Lady Of Carlisle»	Trad. arr. Jansch, Renbourn, Thompson, Cox, McShee	04:41

Merk at «The Snows» står oppført som ein Pentangel-song, men er i røynda ein tradisjonell song.

Medverkande

• Terry Cox – trommer, perkusjon, fingercymbal, vokal
• Bert Jansch – akustisk gitar, dulcimer, munnspel, banjo, vokal
• Jacqui McShee – vokal
• John Renbourn – akustisk gitar, elektrisk gitar, sitar, banjo, blokkfløyte, vokal
• Danny Thompson – kontrabass