Spissnutefrosk

Spissnutefrosk (Rana arvalis) er eit amfibium som lever i delar av det sørlege Noreg. Han er om lag 7-8 cm. lang, altså litt mindre enn den vanlege frosken, buttsnutefrosk, og har ein tydeleg spissare snute. I fargen er han ganske lik den vanlege frosken, men den meir einsfarga lyse undersida gjer fargekontrasten til den mørke grå-brune oversida større. I paringstida får hannen ein karakteristisk blå-grå gytedrakt.

Spissnutefrosk
Spissnutefrosk
Status
Status i verda: Livskraftig Status i Noreg: Nær truga
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Amfibium Amphibia
Orden:	Halelause padder Anura
Familie:	Halelause padder Ranidae
Slekt:	Froskar Rana
Art:	Spissnutefrosk R. arvalis
Vitskapleg namn
Rana arvalis Nilsson, 1842

Arten er å finna rundt Oslofjorden, frå svenskegrensa til skienområdet, med sporadisk spreiing i Agder. Vanlege habitat er gardsdammar, grøfter og bekkar og elver med svak straum. Han toler surare vatn enn den vanlege frosken, og er meir knytt til skog. Spissnutefrosken er eit av dei fire amfibia som er oppførte på norsk raudliste 2006, der han er kategorisert som nær trua

I april-mai, avhengig av klima, samlar froskane seg til gyting i dei faste vassamlingane sine. Hannen lokkar med ein rask serie klukkande «wo'uk». Hoa legg 400-2000 egg som er klare, faste, geleaktige klumpar. I motsetjing til den vanlege frosken sine egg, søkk spissnutefrosken sine egg til botn. Rumpetrolla går på land i juli-august, og blir kjønnsmodne etter om lag tre år. Dei overvintrar som regel på botn av ein dam, der dei pustar gjennom huda for å få oksygen.

Kjelder

• Norsk Raudliste 2006 Arkivert 2010-07-23 ved Wayback Machine.
• IUCN Red list

Bakgrunnsstoff

Wikimedia Commons har multimedia som gjeld: Spissnutefrosk