Stall

Stall er ein bygning der hestar vert haldne.

Stall med to hestar i Nederland.

Moderne stall med boksar. Foto frå Sverige i 2008.

Ordsoge

Ordet «stall» kjem frå norrønt stallr og tyder eigentleg 'stad der noko står'. I moderne tyding kan ordet brukast for å skildra ein bygning der ein lagrer køyretøy, som «togstall». Ei samling hestar brukt i hestesport kan også omtalast som «stall», og i overført tyding kan ein snakka om idrettsfolk på eit lag som ein «spelarstall».

Historie

Hestar i ein stall med båsar. Teikning frå Polen i 1773.

På gardsbruk i gamle dagar var det vanleg at stallen var ein eigen bygning, men seinare var stallen ofte bygd saman med fjøset. I tillegg til gardsbruk var det stall på skysstasjonar, på fabrikkar, bryggeri, militærleirar, osv.

Sjå òg

• Stutteri