Standard mandarin

Standard mandarin eller standardkinesisk er ein dialekt av mandarinspråk som er offisielt språk i Kina, Taiwan og Singapore. Fonologien i talespråket byggjer på talemålet i Beijing. Ordforrådet og grammatikken følgjer som regel tradisjonen i mandarinspråka, slik at «mandarin» brukt av lekfolk ofte viser til standard mandarin. Språkforskarar bruker derimot alltid «mandarin» for å visa til alle mandarinspråka.

Fonologi

Stavinga

I samsvar med analysen til San Duanmu (2009) kan stavinga i mandarin delast i opptakt og rim. San Duanmu opererer med 55 ulike opptaktar, som er presenterte i Tabell 1, og 18 rim, som er presenterte i Tabell 2. I tillegg kan ei staving ha eitt av fire tonem, som er presenterte i Tabell 3. Ei staving kan òg vere tonemlaus; det tyder at ho har ein fonetisk tonegang som er føreseieleg ut frå tonemet til den føregåande stavinga. Opptakt + rim kan kombinerast til 386 ulike stavingar – om vi ser bort frå tonema. Om vi tek med tonema, har mandarin 1001 ulike stavingar. Dei 386 stavingane er presenterte i artikkelen Stavingane i mandarin.

Tabell 1. Dei 55 opptaktane i mandarin.
p	t	ts	ʈʂ	k	Ø
ph	th	tsh	ʈʂh	kh
pw	tw	tsw	ʈʂw	kw	w
phw	thw	tshw	ʈʂhw	khw
pj	tj	tsj			j
phj	thj	tshj
		tsɥ			ɥ
		tshɥ
f		s	ʂ	x
fw		sw	ʂw	xw
		sj
		sɥ
m	n
mw	nw
mj	nj
	nɥ
	l		ʐ
	lw		ʐw
	lj
	lɥ

Tabell 2. Dei 18 rima i mandarin.
i	y	u			in	uŋ
	ǝ		ǝi	ǝu	ǝn	ǝŋ
	a		ai	au	an	aŋ	aɚ
z	ʐ

Tabell 3. Dei 4 tonema i mandarin.
Nummer	Tonem 1	Tonem 2	Tonem 3	Tonem 4
Realisering	Høg H	Stigande LH	Låg L	Fallande HL
Skrivemåte på a	ā	á	ǎ	à

Bibliografi

• San Duanmu 2009. Syllable Structure. The Limits of Variation Oxford: Oxford University Press.