Stian Eckhoff

Stian Eckhoff (fødd 3. september 1979 i Trondheim) er ein tidlegare norsk skiskyttar.

Stian Eckhoff
Statsborgarskap	Noreg
Fødd	3. september 1979 (45 år) Trondheim
Idrett	skiskyting
Tok del i	Vinter-OL 2006

Eckhoff byrja med skiskyting som tiåring og vart med på junior-landslaget som 17-åring. Han har deltatt i verdscupen sidan 2000. Han vann sin første verdscupsiger på sprinten i Östersund i 2004, og sin andre på same distanse på same stad året etter. I 2004/05-sesongen kom han på tiande plass samanlagt i verdscupen, og var dermed nest beste nordmann etter Ole Einar Bjørndalen. Under VM i Hochfilzen i 2005 var han med på å vinna stafettgull for Noreg.

Eckhoff la opp i 2009 då han korkje fann plass på landslaget eller rekrutteringslandslaget.

Eckhoff er bror til skiskyttaren Kaja Eckhoff, som har vore junior-verdsmeister.

Kortfatta merittliste

(per 12. desember 2007)

• Verdscupen samanlagt:
  • Beste sesong: 10. plass (2004/05)
• Verdsmeisterskap:
  • 1 gull (stafett i 2005), beste individuelle: 9.plass på fellesstart (2003)
• Olympiske leikar:
  • Beste individuelle plassering: 16. plass (20 km, Torino 2006)
• Verdscuprenn:
  • 2 gull, 5 bronse

Kjelder

• Nrk Sport, 01.09.09: Stian Eckhoff legger opp