Alpehumle

Alpehumle eller stor fjellhumle (Bombus alpinus) er ei humle som lever opp til mellomalpin sone i fjellet. Ho har svart pels på mellomkroppen og oransje pels på heile bakkroppen utanom på det fyrste leddet.

Alpehumle
Alpehumle Foto: Arnstein Staverløkk/Norsk institutt for naturforskning
Status
Status i verda: Sårbar Status i Noreg: Livskraftig[1]
Systematikk
Rike:	Dyr Animalia
Rekkje:	Leddyr Arthropoda
Klasse:	Insekt Insecta
Orden:	Årevengjer Hymenoptera
Familie:	Langtungebier Apidae
Slekt:	Humler Bombus
Underslekt:	Alpinobombus
Art:	Alpehumle B. alpinus
Vitskapleg namn
Bombus alpinus (Linnaeus, 1758)

Alpehumle er ei av dei største humlene i fjellet og kan ofte finnast på blømande vier om våren. Arten kan finnast ned i bjørkebeltet; men er lite vanleg i låglandet, der han stundom kan finnast langs kysten, særskilt i Nord-Noreg og om våren.

Alpehumle kan forvekslast med polarhumle, ein mindre art. Arbeidarar av alpehumle kan forvekslast med dronningar av sørleg form av lapphumle og dronningar av berghumle.

Alpehumle finst i Fennoskandia, på Kolahalvøya og i Alpane. I Noreg er ho vanleg i fjellet frå nord i Rogaland til Finnmark.^[2]

Alpehumle på blømande Salix. Frå Orkelsjøen i Oppdal.

Foto: Arnstein Staverløkk/Norsk institutt for naturforskning