Bekkarfjorden i Alta

Bekkarfjorden eller Store Bekkarfjorden (samisk Gearvuotna^[1]) er ein fjord på austsida av Seiland i Alta kommune i Finnmark. Fjorden strekkjer seg 4 km vestover frå Vargsundet til Store Bekkarfjordbotn, som ligg inst i ein liten våg på nordsida av Nordmannsneset.

Fjorden har innløp mellom Storholmen i nord og Indre Bekkarfjordnes i sør. Det er ingen busetnader ved fjorden. Fjorden er 176 meter på det djupaste heilt ytst i fjorden.