Storebø

Storebø er administrasjonssenter og største bygda i Austevoll kommune i Vestland. Storebø hadde 1 658 innbyggjarar per 1. januar 2022.^[1]

Storebø
tettstad
Land	Noreg
Fylke	Vestland
Kommune	Austevoll
Areal	1,79 km²
Folketal	1 678  (2024)
Folketettleik	937 / km²
Postnummer	5392 STOREBØ
Innbyggjarnamn	Storebøar
Preposisjon	På Storebø
Storebø 60.094722222222°N 5.2252777777778°E / 60.094722222222; 5.2252777777778
Wikimedia Commons: Storebø, Austevoll

Historie

Storebø har vore kommunesenteret i Austevoll sidan 1964. Før det vart kommunestyremøta haldne på Bakholmen, ein gamal gjestgivarstad like utanfor Storebø.

I 1891 vart Austevoll kyrkje, soknekyrkja i Austevoll, flytta frå garden Austevoll på Hundvåkøy til Storebø.

Storebø var ein del av Lysekloster-godset fram til kring 1870^[2] Namnet Storebø er brukt frå rundt 1650-talet, før det vart namnet skrive Bø eller Bøe. Storebø er truleg teke i bruk for å skilje garden frå Litlabø på Stord som også høyrde til Lysekloster.

I begynnelsen av februar 2017 blei ein av Noregs største COOP Extra-butikker bygd på Storebø. Butikken har eit bruttoareal på 2000 kvadratmeter, salgsareal på 1350 kvadratmeter, frys og kjøl på 400 kvadratmeter og kontorer og sosiale rom på 150 kvadratmeter, prislappen på bygget kom på omtrent 30 millioner kroner. Før denne butikken kom var det ein gammal bensinstasjon som brant ned i 2007.