Surgut

Surgut (russisk Сургу́т) er den største byen i Khanty-Mansia i Russland. Han ligg ved elva Ob, rundt 250 km aust for Khanty-Mansijsk.

Surgut
Сургут
by
Flagg Våpenskjold
Land	Russland
Føderasjonssubjekt	Khanty-Mansia
Høgd	40 m
Areal	353,97 km²
Folketal	395 900 (2022)
Grunnlagd	1594
•  Bystatus	1965
Postnummer	628400–628426
Retningsnummer	(+7) 3462
Surgut 61.25°N 73.433333333333°E / 61.25; 73.433333333333
Wikimedia Commons: Surgut

Namnet på byen kjem ifølgje ei segn av dei khantiske orda «sur» (fisk) og «gut» (hol, grop).

Historie

Jernbanestasjonen i Surgut.

Surgut er ein av dei eldste byane i Sibir. Han vart grunnlagt i 1594 etter ordre frå tsar Fjodor I.

Urbaniseringa av Surgut fann stad på 1960-talet, då han vart eit senter for olje- og gassproduksjon. 25. juni 1965 fekk arbeidsbusetnaden Surgut bystatus.

Økonomi og næringsliv

Økonomien i Surgut er knytt til oljeproduksjon og handsaming av naturgass. Dei største verksemdene er oljeselskapet Surgutneftegaz (ofte berre kalla Surgut) og Surgutgazprom (ei avdeling av Gazprom). Kraftverka GRES-1 og GRES-2 produserer over 7200 megawatt og forsyner mesteparten av regionen med relativt billig elektrisitet.

Transport

Surgut lufthamn ligg 10 km nord for byen og har ruter til Moskva, Dubai, Sankt Petersburg, Irkutsk og fleire andre byar. Jernbanen Tjumen–Novyj Urengoj går gjennom byen. Surgutbrua over Ob er den lengste eittårns skråkabelbrua i verda.