Svenner fyrstasjon

Svenner fyrstasjon er eit fyr som ligg på øya Korpekollen i øygruppa Svenner i Larvik kommune i Vestfold.

Plasseringa til Svenner fyrstasjon

Denne artikkelen handlar om fyret og øya i Noreg. For øya i Antarktis, sjå Svenner i Antarktis.

Svenner fyrstasjon

Fylke	Vestfold
Kommune	Larvik
Funksjon	Kystfyr
Oppretta	1874
Koordinatar	58°58.1502′N 10°08.8704′E
Fyrtårn
Høgd	18,7
Form	Fyrbygning med tårn
Byggjemateriale	Støypejern
Fyrlys
Lyskarakter	Okkulterande blink kvart 10. sek.
Lyshøgd	40,3 moh.
Lysvidde	12,8 nm
Status
Eigar	Staten
Automatisert	2003
Avfolka	2002
Vernestatus	Freda etter lov om kulturminne
Svenner fyrstasjon 58.9722°N 10.1444°E / 58.9722; 10.1444

Fyret vart første gong tent 22. oktober 1874. Det opphavlege tårnet var bygd i stein av fangar som sat på Akershus festning. I 1900 vart det eksisterende tårnet i støypejern bygd. Tårnet har ei høgd på 18,7 m og lyshøgda er 40,3 meter over havet. Lysvidda til fyer er på 12,8 nautiske mil. Fyret vart avfolka i slutten av 2002 og automatisert i 2003. Fyret med tilhøyrande bygningar vart freda i 1997.

Vestfold Fylkeskystlag med samarbeidspartnarar leiger per 2008 fyret av Kystverket. Fyret er tilrettelagt for utleige.

I kystleisesongen 30. juni–12. august vert Svenner fyr drifta av lokale vertskapsfamiliar.

Namnet Svenner kjem av det norrøne Sveinar, som tyder 'gutar, karar', utan at ein kjenner bakgrunnen for dette.

• 
• 
  Fyrvaktarbygningen (t.h.) og reserveassistenbustaden
• 
  Steinhuset

Bakgrunnsstoff

• Svenner

Sjå òg

• Fyr i Noreg
• Fyrstasjonar i drift i Noreg

Kjelder

• Delar av denne artikkelen bygger på «Svenner fyr» frå Wikipedia på bokmål, den 1. oktober 2008.

Andre kjelder

• «Norsk fyrliste 2008» (PDF). Kystverket. 2008. s. 759. Arkivert frå originalen (PDF) 19. juli 2011. Henta 8. november 2020.
• «Svenner fyrstasjon». Norsk Fyrhistorisk Forening.

Bakgrunnsstoff

• Svenner fyrstasjon i kulturminnesok.no, nettstaden til Riksantikvaren