Sypresslekta

Sypresslekta (Cupressus) er ei biologisk slekt av bartre i sypressfamilien (Cupressaceae). Artar i slekta kjem opphavleg frå Asia, Nord-Amerika og middelhavslanda. I Nord-Amerika omfattar ho artar som tidvis blir gjevne eit eige slektsnamn, gullsypresslekta eller nutkasypresslekta (Callitropsis). I norsk nomenklatur opererer ein også ofte med nutkasypress som ei eiga slekt – nutkasypresslekta (Chamaecyparis),^[1] men internasjonalt har denne arten vore rekna til sypresslekta sidan 2000, og Chamaecyparis blir normalt kalla «dvergsypresslekta».

Vanleg sypress, Cupressus sempervirens.

Sypresslekta
Systematikk
Rike:	Planteriket Plantae
Overrekkje:	Cycadophytanae
Rekkje:	Bartre Pinophyta
Klasse:	Pinopsida
Orden:	Furuordenen Pinales
Familie:	Sypressfamilien Cupressaceae
Underfamilie:	Cupressoideae
Slekt:	Sypresslekta Cupressus L., 1753

Artane i slekta blir 5-40 meter høge, og konglane 1-4 cm lange. Fleire av artane spreier seg ved å bevara frøa i lukka kongler under skogbrann, og kolonisere det nybrente landskapet etter at morplanten er øydelagd.

Det er 16-25 artar i slekta. Arten nutkasypress – tidligere Chamaecyparis nootkatensis – blei lenge rekna til dvergsypresslekta, men DNA-analyse og genetisk systematikk^[2] har ført han tilbake til det opphavlege namnet og plasseringa frå 1824-41 i sypresslekta, som Cupressus nootkatensis.

Artar

Eit utval artar frå slekta:

Eurasia

• Ekte sypress eller middelhavsypress – Cupressus sempervirens
• Bhutansypress Cupressus cashmeriana
• Chengsypress – Cupressus chengiana (truga)
• Yunnansypress – Cupressus duclouxiana
• Saharasypress – Cupressus dupreziana
  • Marokkansk sypress – Cupressus atlantica
• Tåresypress – Cupressus funebris
• Tibetansk sypress – Cupressus gigantea (truga)
• Himalayasypress – Cupressus torulosa

Nord-Amerika (artane tidvis plassert i gullsypresslekta eller nutkasypresslekta, Callitropsis)

• Arizonasypress – Cupressus arizonica
  • Smooth Arizona Cypress – Cupressus arizonica var. glabra
  • San Pedro Martir-sypress – Cupressus arizonica var. montana
  • Nevadasypress – Cupressus arizonica var. nevadensis
  • Cuyamacasypress – Cupressus arizonica var. stephensonii
• Medocsypress – Cupressus bakeri
• Gowensypress – Cupressus goveniana
  • Santa Cruz-sypress – Cupressus abramsiana
  • Mendocinosypress – Cupressus pigmaea
• Guadalupesypress – Cupressus guadalupensis
  • Tecatesypress – Cupressus guadalupensis var. forbesii
• Meksikansk sypress – Cupressus lusitanica
  • Benthamsypress – Cupressus lusitanica var. benthamii
• Macnabsypress – Cupressus macnabiana
• Montereysypress – Cupressus macrocarpa
  • Leylandsypress - hybrid av Monterrey × Nutka - X Cupressocyparis leylandii = syn. Callitropsis × leylandii
• Nutkasypress - Cupressus nootkatensis = syn. Chamaecyparis nootkatensis
• Sargentsypress – Cupressus sargentii