Terrorisme

Terrorisme er medvitne og systematiske åtak på sivile for å skapa frykt, med intensjon om å nå politiske, ideologiske eller religiøse mål. Dei som gjer dette, kan vera organisasjonar (sjå nedanfor) eller statar. I det siste tilfellet kallar ein det gjerne statsterrorisme.

USA har ei terrorliste som nemner mellom anna Taliban, Hamas, ISIL og Al-Qaida som terrororganisasjonar.^[1]

Døme på terroråtak i seinare tid

Dato	Stad	Terrorist/Terrororganisasjon	Ideologi
11. september 2001	Verdshandelsenteret i New York, The Pentagon i Virginia	Al-Qaida	Islamisme
17. september 2006	Synagogen i Oslo
22. juli 2011	Utøya i Buskerud og Regjeringskvartalet i Oslo	Anders Behring Breivik	Islamofobi, anti-feminisme og anti-multikulturalisme
19. desember 2016	Breitscheidplatz i Berlin	Anis Amri (ISIL)	Islamisme
10. august 2019	Al-Noor Islamic Centre i Bærum	Filip Manshaus	Islamofobi og anti-multikulturalisme

Førebygging

Lov av 20.mars 1998 (Oppheva) nr. 10 om forebyggande tryggingssteneste (Tryggingslova) §3 punkt 5, opererte med ein smalare definisjon av terrorisme. Der vart terrorhandlingar definert som: «Ulovlig bruk av, eller trussel om bruk av, makt eller vold mot personer eller eiendom, i et forsøk på å legge press på landets myndigheter eller befolkning eller samfunnet forøvrig for å oppnå politiske, religiøse eller ideologiske mål.»^[2]

Straffeloven §§ 131-146 tek føre seg definisjon og straff som omhandlar terrorisme.^[3]

I Noreg er det Politiets tryggingsteneste (PST) som har ansvaret for å førebyggja terrorhandlingar.^[4]