That's All av Genesis

«That's All» er ein song av Genesis på albumet Genesis frå 1983. Han vart gjeven ut som den andre singelen frå albumet etter «Mama».

That's All Singel av Genesis frå albumet Genesis
B-side	«Taking It All Too Hard» (Storbritannia) «Second Home by the Sea» (USA)
Språk	engelsk
Utgjeve	3 Oktober 1983
Innspelt	1983
Sjanger	Poprock
Lengd	4:23
Selskap	Atlantic, Virgin, Vertigo
Komponist	Tony Banks, Phil Collins, Mike Rutherford
Tekstforfattar	Tony Banks, Phil Collins, Mike Rutherford
Låtskrivar(ar)	Phil Collins, Tony Banks, Mike Rutherford
Produsent	Genesis, Hugh Padgham
Genesis-kronologi
«Mama» (1983)	That's All	«Home by the Sea» (1983)

I USA gjekk singelen opp til sjetteplassen tidleg i 1984 og vart den første hitten deira i USA inne på Topp 10. Den amerikanske versjonen av singelen hadde «Second Home by the Sea» som B-side. Den britiske versjonen hadde «Taking It All Too Hard» som B-side og gjekk til 16. pass. Ein annan singelversjon hadde med eit konsertopptak av «Firth of Fifth».

Songen var eit forsøk på skrive ein enkel popsong med ein melodi som minna om The Beatles. Phil Collins sa òg i seinare intervju at trommestilen var eit forsøk på å etterlikne Ringo Starr. Songen starta med eit elektrisk pianoriff av Tony Banks.

I videoen av songen ser ein band som heimlause menn som spelar kort og held varmen ved eit bål. Det var første gongen Genesis nytta Jim Yukich som regissør.

Songen vart spelt ein god del på konsertane til bandet ut tiåret og inn på 90-talet. Eit konsertopptak av songen finst på The Way We Walk, Volume One: The Shorts og DVD-en Genesis Live at Wembley Stadium, samt heimevidoen The Mama Tour.

Salslister

Vekeslister

Liste (1983-84)	Plassering
Australia (Kent Music Report)[1]	62
Austerrike[2]	19
Canada RPM Top Singles[3]	14
Canada RPM Adult Contemporary[4]	2
Tyskland[5]	27
Irish Singles Chart[6]	6
Sør-Afrika (Springbok)[7]	27
Sveits[8]	15
UK Singles Chart[9]	16
US Billboard Hot 100[10]	6
US Billboard Adult Contemporary[11]	7

Årslister

Liste (1984)	Plassering
U.S. Billboard Hot 100[12]	52
U.S. Cash Box Top 100[13]	81

Andre versjonar

Keane framførte songen på som ei hyllest til Genesis på VH1 Rock Honors i 2007.

Den kanadiske countrygruppa Doc Walker spelte songen i 2008 og nådde 68. plass på den kanadiske singellista med songen.^[14]

Det kanadiske indierockbandet Zeus spelte inn songen i 2009.

Clare & the Reasons spelte songen på det andre albumet deira, Arrow, i 2009.

Medverkande

• Phil Collins - trommer, perkusjon, vokal
• Tony Banks - klaverinstrument
• Mike Rutherford - gitar, bassgitar