Thoothukudi

Thoothukudi, tidlegare kjend som Tuticorin, er hovudstaden i Thoothukudi-distriktet i den indiske delstaten Tamil Nadu og hamneby langs Koromandelkysten, ved Mannarbukta i Indiahavet. Han har også vore ein viktig stad for perlefisking og skipsbygging, og har tilnamnet Perlebyen.

Thoothukudi tamil தூத்துக்குடி
Hamna i Tuticorin fotografert av William Henry Jackson i 1895. Hamna i Tuticorin fotografert av William Henry Jackson i 1895.
Land Delstat Distrikt	India Tamil Nadu Thoothukudi
Flatevidd  - By	4 621 km²
Innbyggjarar  • By (1991)  • Storbyområde	199 854 280 091
Tidssone	IST (UTC+5:30)
Postnummer	628xxx
Retningsnummer	+91 (0)461
Bilnummer	TN 69

Historie

Nederlandsk framstilling av Tuticorin frå 1752.

Historia til Thoothukkudi går tilbake til 500-talet f.Kr. Han var hamnebyen til Pandyariket. Portugisarane tok makta i 1548, og byen voks. Nederlendarane tok over i 1658, og britane i 1825.

Byen blei senter for den indiske frigjeringsrørsla tidleg på 1900-talet som samlingsstad for leiarar som Subramanya Bharathy, Kattabomman og V.O. Chidambaram Pillai. I 1906 sjøsette den sistnemnde, saman med Bal Gangadhar Tilak, det første swadeshi-skipet herfrå. Indisk skipsfart var sterkt regulert av britane, og utviklinga av eigen handel var viktig for frigjeringsrørsla.

Hamn

Thoothukudi har lenge virka som hamn for den sørlege delen av Tamil Nadu, mellom anna byane Coimbatore, Madurai og Tirunelveli.

Ei ny kontainerhamn opna i 1974 var den tredje største i India (etter Mumbai og Chennai). Nye Thoothukud hamn ligg 8 km søraust for den gamle hamna og kan ta imot skip som stikk 8,2 meter. Av alle hamner i India er Thoothukkudi den tiande største. Ho står for 7 % av all kontainertransport i India.

Det går òg ei ferje frå byen til Colombo på Sri Lanka.

Bakgrunnsstoff

• Nettstaden for hamna i Thoothukkudi Arkivert 2008-07-31 ved Wayback Machine.
• Siste nytt frå Thoothukkudi

Kjelder

• Denne artikkelen er basert på ei omsetjing av ein artikkel frå Engelsk Wikipedia .

• «Tuticorin» (2007) i Encyclopædia Britannica. Henta 4. juni 2007 frå Encyclopædia Britannica Online: http://search.eb.com/eb/article-9073905