Thure Lindgren

Thure Valdemar Lindgren (18. april 1921–2. september 2005) var ein svensk skihoppar som representerte IFK Kiruna og IF Friska Viljor. Han tok sølvmedaljen i verdsmeisterskapen i Lake Placid i 1950. Lindgren var frå Jukkasjärvi i Norrbottens län, der han også døydde.

Thure Lindgren
Statsborgarskap	Sverige
Fødd	18. april 1921 Jukkasjärvi
Død	2. september 2005 (84 år) Jukkasjärvi
Idrett	skihopping
Tok del i	Vinter-OL 1952

Aktiv

Lindgren vart svensk meister i skihopping i 1947. I 1949 vann han hopprennet i Svenska skidspelen i Sollefteå. Under verdsmeisterskapen i Lake Placid i 1950 lukkast han vinne sølvmedaljen, eit knapt poeng føre den seinare olympiameisteren Arnfinn Bergmann, men seks poeng bak verdsmeisteren Hans Bjørnstad, begge desse hopparane var frå Noreg.

Han deltok i vinter-OL 1952 i Oslo, men fall i sitt fyrste hopp på 63 meter og vart nummer 40 av 44 deltakarar. Same sesongen kom han på delt fjerdeplass i Lahti-spelen.

Kjelder

• P.Chr. Andersen: Den nye olympiaboken. 1957
• Sports Reference: Thure Lindgren Arkivert 2012-12-15 ved Wayback Machine.
• Svenska Skidförbundet: Backe/nordisk kombination Arkivert 2010-05-22 ved Wayback Machine.
• Svenska Skidspelen: Pristagare i Svenska Skidspelen Arkivert 2010-08-18 ved Wayback Machine.
• Sveriges Olympiska Komitté: Thure Lindgren^{[daud lenkje]}