Træna kommune

Træna er ein kommune i Nordland fylke. Han ligg vest for Lurøy kommune og sørvest for Rødøy kommune. Ifylgje kommunen sine nettsider er Træna landets eldste fiskevær. Kommunen består av over 1000 øyer, holmar og skjer.

Hamna i Træna

Sanna sett frå Husøya på Træna

Træna kommune
kommune
Kommunevåpen
Land	Noreg
Fylke	Nordland
Adm.senter	Husøya
Areal	16,51 km²
•  land	16,45 km²
•  vatn	0,06 km²
Folketal	463  (1. januar 2025)
Målform	bokmål
Ordførar	Jan Helge Andersen (Ap)
Kommunenr.	1835
Træna kommune 66.5075°N 12.030833333333°E / 66.5075; 12.030833333333
Kart som viser Træna kommune. Kart som viser Træna kommune.
Wikimedia Commons: Træna
Nettstad: www.trana.kommune.no

Dei folkesette øyene på Træna er kommunesenteret Husøy, Selvær, Sanna og Sandøy. Det er på Sanna at dei 5 karakteristiske fjelltoppane ligg.

Hovudnæringsveg på Træna er fiske. Den største bedrifta i kommunen er Modolv Sjøset AS, som i høgsesongen sysselset over 100 personar.

Kvar sommar sidan 2003 har øya arrangert Trænafestivalen, ein musikkfestival som trekkjer rundt 2000 menneske kvart år.

Over 180 fugleartar er registrerte på Træna.

Træna har eigen barne- og ungdomsskule med litt over 60 elevar. For å gå på vidaregåande, reiser elevane som oftast til Nesna eller Sandnessjøen.

Scener frå Træna vart brukt under filmatiseringa av boka Tatt av kvinnen av Erlend Loe.

I 1969 vart det gjeve ut eit norsk frimerke med ein illustrasjon av øya Sanna.

Kjelder

Bakgrunnsstoff

• Træna kommune sine heimesider
• Trænafestivalen si nettside

Wikimedia Commons har multimedia som gjeld: Træna kommune