Tróodos

Tróodos (gresk Τρόοδος, tyrkisk Trodos) er den største fjellkjeda på Kypros, og ligg midt på øya. Den høgaste toppen i Tróodos er Ólymbos på 1 952 meter.

Troodosfjella

Ein bekk i Tróodosfjella

Tróodos strekkjer seg langs det meste av vestsida av Kypros, og er eit område for turgåing mellom furuskog om sommaren og skigåing om vinteren. Det finst fleire feriestader i fjella, bysantinske kloster og kyrkjer på fjelltoppane, og fjellandsbyar i dalane. Det ligg ni kyrkjer i Tróodos som er på UNESCO si verdsarvliste. Det mest kjende klosteret er Kýkkosklosteret i Marathásadalen.

Området har vore kjend sidan antikken for gruvene sine, og i den bysantinske perioden vart det eit stort senter for bysantinsk kunst, då kyrkjene og klostera vart bygd i fjella, bort frå den truga kysten.

Nokre landsbyar i Tróodos er

• Louvarás
• Palekhóri
• Koúrdali
• Peléndri
• Galáta
• Kalopanajótis
• Moutoullás
• Pedoulás
• Ómodos
• Finí
• Kiláni
• Agrós
• Kakopetriá
• Pródromos
• Korfí

Geografiske koordinatar

34°55′N 32°50′E

Bakgrunnsstoff

• Tróodos museum^{[daud lenkje]}

Wikimedia Commons har multimedia som gjeld: Tróodos