TrollSat

TrollSat er ein landbasert satellittstasjon i Dronning Maud Land i Antarktis. Stasjonen har Kongsberg Satellite Services (KSAT) som eigar, og er tilknytt den norske forskingsstasjonen Troll. Stasjonen blei sett i drift 1. mars 2007^[1] og blei offisielt opna 20. januar 2008.^[2]

TrollSat
TrollSat 72.0167°S 2.53333°E / -72.0167; 2.53333

TrollSat hentar klima-, miljø- og meteorologidata frå satellittar i polarbane og vidareformidlar dei. Slike satellittar går rundt jorda 14 gongar i døgnet.

KSAT driv to polare jordstasjonar som er tilpassa satelittar i låg jordbane, der den andre er SvalSat i Longyearbyen på Svalbard.^[3] Dette er dei einaste to jordstasjonane som kan kommunisera med alle banane til satellittar i låg jordbane.^[4] Ved å bruka begge stasjonane kan ein lasta ned data to gonger per omflyging, tjueseks gonger per døgn, med ei forseinking på berre førti minutt.^[5]