Tusen-Tore

Springaren Tusen-Tore eller Ravnåsen er mykje nytta i Numedal og austre Telemark. Slåttenamnet Tusen-Tore er knytt til ei gamal vise med det same namnet. Ravnåsen heiter etter spelemannen Jokum Ravnås frå Numedal. Slåtten har venteleg kome til Telemark med Fykerudane, først gamle Hans Fykerud og seinare sonen Lars Fykerud. Fykerud lærte og bort slåtten til hallingen Tor Grimsgard.

Slåtten er bygd opp som ein tvibeitslått med to vek i dei mest einfelte utformingane. Dei fleste formene har tre vek. Springaren er tolleg gamal.

Variantgruppa

Slåtten har katalognummer 511 i band VI av hardingfeleverket. Gruppa tel sju variantar.

• a: Tusen-Tore, etter Steingrim Haukjem, Veggli ^{[daud lenkje]}. Nedskrift Truls Ørpen 1921 (Ø 94). Haukjem hadde slåtten etter Steinar Gladheim frå Veggli, som og kalla slåtten med dette namnet.

• b: Ravnåsen, etter Hellik Juveli, Flesberg ^{[daud lenkje]}. Nedskrift Sven Nyhus 1976.

• c: Tusen-Tore, etter Svein Løndal, Tuddal ^{[daud lenkje]}. Nedskrift Arne Bjørndal 1937 (B 797b). Løndal hadde slåtten etter mor si, og etter Lars Fykerud frå Sauherad.

• d: Fykeruden, etter Olav Løndal, Tuddal ^{[daud lenkje]}. Nedskrift Eivind Groven 1964 (G 1466, NRK magn. 1969).

• e: Springar etter gamle Hans Fykerud, etter Johannes Dale, Tinn ^{[daud lenkje]}. Nedskrift Eivind Groven 1961(G 1327). Slåtten slår inn på Jenta ned med strondi frå takt 18 og utover.

• f: Markensslåtten, etter Odd Bakkerud, Nes ^{[daud lenkje]}. Nedskrift Sven Nyhus 1977. Bakkerud hadde slåtten frå Jørgen Husemoen, Nesbyen, som i sin tur hadde han frå Tor Grimsgard. Grimsgard hadde lært han av Lars Fykerud ein gong dei møttest på Kongsbergmarken. Slåtten fekk namn etter det møtet.

• g: Springar, etter Martinus Monstad, Lindås, Hordaland ^{[daud lenkje]}. Nedskrift Arne Bjørndal 1918 (B 422). Monstad hadde slåtten frå Wilhelm Askeland, Manger i Nordhordland. Nærskylde variantar er skrivne ned etter Eilev Smedal og Gjermund Haugen.