SN sin høgkommissær for flyktningar
From Wikipedia, the free encyclopedia
Remove ads
SNs høgkommissær for flyktningar (engelsk United Nations High Commissioner for Refugees, forkorta UNHCR) er ein SN-organisasjon skipa 14. desember 1950 for å verna og hjelpa flyktningar. Han har hovudkvarteret sitt i Genève i Sveits. Organisasjonen gjev stønad til flyktningar etter oppfordring frå ei regjering eller SN, og hjelper flyktningar med å reisa tilbake eller finna eit nytt stad å bu. UNHCR fekk Nobels fredspris i 1954 og 1981.
Organisasjonen har mandat til å leia og koordinera internasjonale aksjonar for å verna flyktningar og løysa flyktningproblem på verdsbasis. Hovedføremålet hans er å sikra rettane og velvera til flyktningar. UNHCR freistar å sikra at alle kan utøva retten sin til å søkja politisk asyl og finne sikker tilflukt i eit anna land, med eit frivillig høve til å reisa heim, integrerast lokalt eller å busetja seg i eit tredje land.
I 2013 hadde organisasjonen ifølgje seg sjølv hjelpt rundt 50 millionar menneske å starta eit nytt liv. Ein stab på rundt 7685 menneske i 126 land held fram å hjelpa rundt 34 millionar menneske. I 2012 hadde UNHCR eit budsjett på 3,59 milliardar amerikanske dollar.
Remove ads
Høgkommissærar
Posten som høgkommissær er blitt halden av:
- Gerrit Jan van Heuven Goedhart, 1951–1956 (Nederland)
- Auguste R. Lindt, 1956–1960 (Sveits)
- Félix Schnyder, 1960–1965 (Sveits)
- Prins Sadruddhin Aga Khan, 1965–1977 (Iran)
- Poul Hartling, 1978–1985 (Danmark)
- Jean-Pierre Hocké, 1986 – 1989 (Sveits)
- Thorvald Stoltenberg, januar–november 1990 (Noreg)
- Sadako Ogata, 1990–2000 (Japan)
- Ruud Lubbers, 2001–2005 (Nederland)
- António Guterres, frå 2005-2015 (Portugal)
- Filippo Grandi (Italia), frå november 2015[1]
Fridtjof Nansen (Noreg) var høgkommissær for flyktningar for Folkeforbundet (forgjengaren til SN) frå 1922.
Remove ads
Sjå òg
- Dei sameinte nasjonane (SN)
- Overføringsflyktning
Kjelder
Bakgrunnsstoff
Wikiwand - on
Seamless Wikipedia browsing. On steroids.
Remove ads