Ústí nad Labem

Ústí nad Labem (tysk Aussig an der Elbe) er ein by i Ústí nad Labem kraj Tsjekkia. Byen ligg heilt nord i landet, om lag 20 km frå grensa til Tyskland ved E55 mot Dresden. Byen ligg, som namnet nemner, ved elva Elbe (tsjekkisk Labe). Han har nesten 100 000 innbyggjarar, og er den niande største byen i landet.

Ústí nad Labem
Horisonten til Ústí nad Labem
Flagg Byvåpen
Land Kraj	Tsjekkia Ústí nad Labem kraj
Først nemnd i	1056
Flatevidd	93,969856 km²
Flatevidd  - By  - Storbyområde	94 km² 874 km²
Innbyggjarar  • By (2011)    - folketettleik  • Storbyområde	95 003   999/km² 243 878
Koordinatar	50°40′N 14°02′E
Høgd	218 m
Retningsnummer	400 01
Nettstad: www.usti-nl.cz
Plassering av Ústí nad Labem

Ústí ligg i eit fjellområde der elvane Bílina og Elbe (Labe) renn i hop, og er både ein viktig elvehamneby og jarnbaneknutepunkt. Byen er mellom anna fødestad for målaren Anton Raphael Mengs.

Elbe flyt gjennom byen

Fram til 1945 var majoriteten av folkesetnaden tysktalande. 31. juli 1945 oppstod det ein eksplosjon ved eit nærliggande ammunisjonslager, og den kommunistiske revolusjonsgarden gav utan nærmare undersøking skylda på den tyske folkesetnaden. Mange tysktalande vart då avretta.

Under den tsjekkoslovakiske tida fanst det mykje tungindustri både i og utanfor byen, mellom anna kjemisk industri og ein kunstgjødselfabrikk midt i sentrum. På grunn av utslepp frå desse fabrikkane var byen ein av dei skitnaste i Europa. Skogområda rundt byen vart sterkt skada av forureining.

Ústí nad Labem fekk internasjonal merksemd i 1999 då ein bygde ein kontroversiell mur for å skilje romanifolk og etniske tsjekkarar frå kvarandre. Etter kraftige protestar vart muren riven ned att av dei tsjekkiske styresmaktene.

Kjelder

• Denne artikkelen bygger på «Ústí nad Labem» frå Wikipedia på svensk, den 24. mars 2007.

Bakgrunnsstoff

Commons har multimedium som gjeld: Ústí nad Labem