Uthaugen

Uhaugen er ein gard på Fedje som høyrer til Nedrelandet. Nedrelandet omfattar den nedre delen av matrikkelgarden nr. 168, altså alle bruka utanom Kopper og Husa. I motsetnad til desse to vart Uthaugen og dei andre bruka på Nedrelandet kalla plassar i skriftlege kjelder. Desse var både mindre og hadde dårlegare jord enn Kopper og Husa.

Uthaugen
stad
Land	Noreg
Fylke	Hordaland
Kommune	Fedje
Postnummer	5947 FEDJE
Gardnummer	168

I tidlege kjelder vart Uthaugen og Opphaugen, berre kalla Haugen. Dette gjorde det vanskeleg å skilje dei frå kvarandre, men ein veit at det er snakk om to forskjellige gardar ved at dei aldri er ført opp etter kvarandre i skattelistene. I daglegtalen vert Uthaugen oftast omtalt som «Haugen», medan Opphaugen vart kalla «i Haugen», dette stemmer òg med brukarnamna i dei gamle kjeldene. Uttalen av namnet er «høyen». Garden er første gong nemnt i skriftlege kjelder i 1563, og første gongen namnet vart skrive fullt ut som Uthaugen var i 1644.

Uthaugen ligg på ei halvøy i Husavågen. Halvøya dannar ein liten haug, som har gjeve namn til garden. Forstavinga «ut» er truleg for å skilje garden frå Opphaugen og Uthaugen var då garden som litt ut mot sjøen. Ein del av bruket er Smiholmen som ligg midt i Husavågen.

Kjelder

• Arvid Skogseth (1997). Fedje og folket: Gards- og ættesoge for Fedje. Fedje kommune.