Vinkfjorden

67°43′22.746″N 15°24′47.275″E

Flyfoto av Nordfolda sett frå aust. Vinkfjorden er den nest lengste av fjordarmane som går mot aust (ned på biletet)

Vinkfjorden (lulesamisk Fáŋŋká) er ein fjordarm av Nordfolda i Steigen kommune i Nordland. Fjorden strekkjer seg 10 km søraustover til garden Vinkfjorden i botn av fjorden. Fjorden har ein fjordarm, Stavfjorden, og den totale lengda inn til botn av denne fjorden er 14 km.

Fjorden har innløp mellom Vinknesskjera i sørvest og Småvikneset i nordaust. Det ligg nokre isolerte gardsbruk på sørsida av fjorden, som Helldal og Sandbakken, og desse har vegsamband mellom seg. Nordaust for Sandbakken går Stavfjorden austover.