Vjatsjeslav Vedenin

Vjatsjeslav Petrovitsj Vedenin (1. oktober 1941–22. oktober 2021) var ein sovjet-russisk tidlegare langrennar som tevla internasjonalt frå 1966 til 1972. Han vart verdsmeister på 30 km under VM i Štrbské pleso i 1970 og vart olympiameister på same distansen to år seinare. Under dei nemnde meisterskapane gjekk han sisteetappen på begge Sovjets gullvinnande stafettlag (4x10 km). Vedenin vann dessutan sølvmedaljane på OL-femmila i 1968 og VM-femmila i 1970 og bronsemedaljen på femmila under OL i 1972.

Vjatsjeslav Vedenin
Verkeleg namn	Вячесла́в Петро́вич Веде́нин
Statsborgarskap	Sovjetunionen, Russland
Fødd	1. oktober 1941 Sloboda i Dubenskij-distriktet i Tula oblast
Død	22. oktober 2021 (80 år) Moskva
Idrett	langrenn
Tok del i	Ski-VM 1966, cross-country skiing at the 1968 Winter Olympics, Ski-VM 1970, cross-country skiing at the 1972 Winter Olympics, 1972 Vasaloppet
Utmerkingar	Leninordenen, Arbeidets røde fanes orden, Idrettens mester i Sovjetunionen, Aleksander Nevskij-ordenen, Medaljen for utmerket arbeid, Q55655529

Medaljar og besteplasseringar i internasjonale meisterskap og renn

• 1966: Nr 6 på femmila og nr 8 på 15 km under VM i Oslo.
• 1968: Sølvmedalje på femmila i OL i Grenoble, nr 6 på femmila i Lahti.
• 1969: Vinnar av femmila og nr 2 på 15 km i Lahti.
• 1970: Gullmedalje på tremila og sølvmedalje på femmila i VM i Strbske Pleso.
• 1971: Nr 2 på femmila i Lahti og nr 4 på tremila i Falun.
• 1972: Gullmedalje på tremila og bronsemedalje på femmila under OL i Sapporo. Nr 3 på tremila i Lycksele i Svenska skidspelen.

Verdsmeister på 4x10 km stafett i 1970, og olympisk meister i same i 1972.

Vedenin vart tildelt Leninordenen i 1972.