Vombatar

Vombatar (wombatar) er ei biologisk gruppe kortbeinte, muskuløse pungdyr som går på alle fire bein. Dei blir omtrent ein meter lange, kan vege meir enn 30 kilo, og har ein veldig kort hale. Namnet vombat kjem frå eit av språka til dei australske urinnvånarane.

Vombatar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Overklasse:	Tetrapodar Tetrapoda
Klasse:	Pattedyr Mammalia
Orden:	Diprotodontia
Underorden:	Vombatiformes
Familie:	Vombatar Vombatidae Burnett, 1830

Åtferd

Vombatene grev store holesystem med gnagar-aktige fortenner og kraftige klør. Dei er først og fremst skumrings- og nattaktive, men kjem ut for å leite etter mat på kjølige eller overskya dagar. Dei er vanskelegare å få auge på enn mange andre dyr, men etterlèt seg tydelege spor. Gjerder vert ikkje rekna som noka stor utfordring, vombatene grev seg lett under eller gjennom slike hinder. Dei etterlèt seg òg særprega kubisk lort.

Vombatar er planteetarar, og et stort sett gras, halvgras, urter, bark og røter.

Vombatar og menneske

Vombater er ikkje redde for menneske, og einskilde har difor med eit visst hell prøvt å temme dei. Dei eignar seg likevel dårleg som husdyr. Dei er ikkje spesielt sosiale frå naturen si side. Dei er sterke, og raske, og kan lett velte ein vaksen mann. Dei har skarpe tenner, og dei kan bli aggressive viss dei blir provosert eller berre er i dårleg humør.

Slekter og artar

• Vombatus

Vombatus ursinus

• Lasiorhinus

Lasiorhinus latifrons

Lasiorhinus krefftii

• †Rhizophascolomus
• †Phascolonus
• †Warendja
• †Ramasayia

Kjelder

• Denne artikkelen bygger på «Vombater» frå Wikipedia på bokmål, den 24. desember 2010.

Bakgrunnsstoff

Commons har multimedium som gjeld: Vombatar

Wikispecies

Wikispecies har taksonomisk informasjon om Vombatidae