Walk on By

«Walk On By» er ein song skriven av Burt Bacharach med tekst av Hal David. Songen vart opphavleg spelt inn av Dionne Warwick, som nådde sjetteplassen med sin versjon på Billboard Hot 100. Isaac Hayes spelte inn songen i 1969 og denne nådde då 30. plassen på Hot 100-lista og 13. plassen på R&B-lista.^[1] «Walk On By» har sidan gått inn på salslistene fleire gonger i fleire land, i ganske så forskjellige arrangement.

Walk On By Singel av Dionne Warwick frå albumet Make Way for Dionne Warwick
B-side	Any Old Time of Day (Bacharach & David)
Utgjeve	26. april 1964
Innspelt	9. juli 1964 i Bell Sound Studios, 22. november 1963
Sjanger	Soul, pop
Lengd	2:55
Selskap	Scepter 1274
Låtskrivar(ar)	Burt Bacharach, Hal David
Produsent	Burt Bacharach, Hal David
Dionne Warwick-kronologi
«Anyone Who Had a Heart» (1963)	Walk On By	«You'll Never Get to Heaven (If You Break My Heart)» (1964)

Dionne Warwick-versjonen (1964)

Originalversjonen av «Walk On By» vart spelt inn i desember 1963 samstundes som hitten hennar «Anyone Who Had a Heart». «Walk On By» var oppfølgjaren til denne singelen og kom ut i april 1964. Han nådde då sjetteplassen på Billboard Hot 100 i USA og toppen av Cashbox si R&B-liste.^[2] (Billboard hadde ikkje ei rhythm and blues-lista i 1964). Songen nådde òg topp 10 på easy listening-lista til Billboard. Songen vart rangert på 70. plass på lista til Rolling Stone over dei 500 beste songane gjennom tidene.^[3]

Trommeslagaren Gary Chester spelte på denne innspelinga.^[4]

Warwick spelte òg inn ein tyskspråkleg versjon av songen kalla «Geh Vorbei».^[5]

Liste (1964)	Plassering
US Hot 100	6
US R&B	1
US A/C	7
UK Singles Chart	9

Bobby Kris & The Imperials-versjonen (1965)

Folkrockgruppa Bobby Kris & The Imperials frå Toronto spelte inn ein versjon av songen seint i 1965. Songen vart ein stor hit i Canada og nådde åttandeplassen der tidleg i 1966. Dette vart den einaste hitten til bandet.

Liste (1966)	Plassering
Canada RPM 100	8

Isaac Hayes-versjonen (1969)

Walk On By Singel av Isaac Hayes
B-side	«By the Time I Get to Phoenix»
Utgjeve	1969
Sjanger	Funk, soul
Lengd	12:30
Selskap	Scepter
Låtskrivar(ar)	Burt Bacharach Hal David
Isaac Hayes-kronologi
«Precious, Precious» (1967)	Walk On By	«The Mistletoe and Me» (1969)

Funk/soul-musikaren Isaac Hayes spelte inn sin versjon av songen i 1969 for albumet Hot Buttered Soul og omforma songen til ein 12 og eit halvt minuttar lang funk-vamp. Han vart korta ned for singelutgåva til under fem minuttar. Denne singelen nådde 30. plass på den amerikanske singellista.

Liste (1969)	Plassering
US Hot 100	30

The Stranglers-versjonen (1978)

I 1978 gav The Stranglers ut ein punkrockversjon (med ein lengre orgelsolo) som nådde 21. plassen på UK Singles Chart.^[6] Musikkvideoen for denne versjonen var basert på filmen «Blowup» frå 1966 og vart filma same stad som filmen, i Maryon Park i London.^[7]

Liste (1978)	Plassering
UK Singles Chart[6]	21

Average White Band-versjonen (1979)

Average White Band spelte inn ein lett disco-aktig versjon (med reggae og spor av funk) som gjekk inn på listene i 1979. Sjølv om AWB hovudsakleg vert hugsa som eit instrumentalt band, hadde versjonen deira av «Walk On By» vokal.

Liste (1979)	Plassering
UK Singles Chart	46
US Hot 100	92

D-Train-versjonen (1982)

I 1982 gav funkduoen D-Train ut ein versjon av songen i boogie/funk-stil.

Liste (1982)	Plassering
UK Singles Chart	44
US R&B	42
US Dance	45

Jo Jo Zep-versjonen (1983)

I 1983 gav det australske bandet Jo Jo Zep ut ein versjon av songen i ein langsam versjon med elektroniske lydar og synthesizerar. Songen vart ein liten hit i Australia og nådde 55. plassen der, men vart ein stor hit i New Zealand, der han nådde sjetteplassen.

Liste (1983)	Plassering
Australia	55
New Zealand	6

Melissa Manchester-versjonen (1989)

I 1989 nådde versjonen til songaren Melissa Manchester sjetteplassen på Billboard Adult Contemporary-lista.

Liste (1989)	Plassering
US A/C	6

Sybil-versjonen (1990)

I 1990 fekk songaren Sybil, som hadde fått den største hitten sin året før med ein versjon av Warwick sin «Don't Make Me Over», ein hit i Storbritannia og USA med «Walk On By».

Liste (1990)	Plassering
UK Singles Chart	6
US Hot 100	74
US R&B	3
US Dance	3

Gabrielle-versjonen (1997)

I 1997 gav den britiske songaren Gabrielle ut sin versjon av «Walk on By» som den femte og siste singelen hennar frå Gabrielle. Denne nådde sjuandeplassen i Storbritannia.

Liste (1997)	Plassering
UK Singles Chart	7
Nederland	96

Cyndi Lauper-versjonen (2003)

«Walk on By» var den første singelen frå Cyndi Lauper-albumet At Last frå 2003.

Liste (2004)	Plassering
U.S. Billboard Hot Dance Club Play	10

Seal-versjonen (2005)

Seal gav ut ein versjon av «Walk On By» som singel i januar 2005. Songen gjekk ikkje inn på singellista i heimlandet Storbritannia, men nådde nedre del av singellistene i fleire land i Europa.

Liste (2005)	Plassering
Austerrike	57
Tyskland	49
Sveits	46

Andre versjonar

• Alan Price
• Alicia Keys på albumet The Diary of Alicia Keys i 2003
• Aretha Franklin
• Connie Francis på albumet Connie Francis Sings Bacharach & David
• The Beach Boys under innspelinga av albumet 20/20 i 1969.
• Bob Baldwin gav ut ein versjon av songen i 1997 på albumet Cool Breeze.^[8][9]
• Bobby Caldwell gav ut ein langsam versjon av songen i 1995 på albumet Soul Survivor
• Brenda & the Tabulations i 1967 på albumet Dry Your Eyes
• The Outcasts^[10]
• Kevin Coyne gav ut songen på singel i 1976.
• The Dells i 1972 på albumet The Dells Sing Dionne Warwicke's Greatest Hits
• Diana Krall i ein jazzversjon i 2009 på albumet Quiet Nights
• Florence Ballard etter ho slutta i the Supremes
• George Benson i ein jazzversjon i 1968 på albumet Gilbert Gravy
• Gloria Gaynor i 1975 på Experience Gloria Gaynor
• Grant Green i ein instrumentalversjon i 1971 på Live at Club Mozambique.
• Helen Shapiro i 1964 på albumet Helen Hits Out!.^[11]
• The Jackson Five spelte Isaac Hayes-versjonen på konsertar. Eit opptak finst på Goin' Back to Indiana
• Kiki Dee i 1969 for Motown Records under innspelinga av albumet Great Expectations, men songen kom først ut i 2005 på Kiki Dee - Love Makes The World Go Round: The Motown Collection
• Peter Nero
• Laura Nyro i 2001 på Angel in the Dark
• Maggie Reilly i 1996 på albumet Elena.
• The Miracles i 1966 på albumet Away We a Go-Go
• Paul Rodgers i 2014 på albumet The Royal Sessions.
• Peter White i 1994 på albumet Reflections^[12][13]
• Roland Kirk i ein versjon frå 1965 på albumet Slightly Latin
• Ronan Keating i 2011 på albumet When Ronan Met Burt
• Vanilla Fudge i 1984 på albumet «Mystery»
• We Five i 1969 på albumet The Return of the We Five.^[14]
• The Undisputed Truth på albumet Law of the Land
• Paul Carrack i 2001 på albumet Groovin'
• Kendra Morris i 2013 for albumet Mockingbird