Wasaburo Ooishi

Wasaburo Ooishi (15. mars 1874–18. desember 1950) var ein japansk meteorolog som er mest kjend for å ha oppdaga jetstraumane. Dette gjorde han ved å følgje vêrballongar som han sende opp frå Fujifjellet i Japan. Mellom 1923 og 1925 målte han vestavinden i stratosfæren over Japan og merka seg at denne var kraftig året rundt. Sjølv om Ooishi hadde kontakt med International Meteorological Organization (IMO, i dag WMO) og hadde reiser til Tyskland og USA, vart artiklane hans stort sett ikkje lagt merke til fordi han skreiv dei på esperanto, som vart lite brukt i vitskaplege kretsar utanfor Asia.

Wasaburo Ooishi
Fødd	15. mars 1874 Tosu
Død	18. desember 1950
Nasjonalitet	Japan, Keisarriket Japan
Yrke	meteorolog, esperantist, klimatolog

Observasjonane hans vart nytta av japanarane under den andre verdskrigen for å sende ballongar med bomber til det amerikanske fastlandet. Fleire av bombene nådde fram og tok faktisk menneskeliv.