Wheels Ain't Coming Down

«Wheels Ain't Coming Down» er ein song av det britiske rockebandet Slade, gjeve ut i 1979 som opningssporet på det åttande studioalbumet deira Return to Base. Songen var skriven av solovokalisten Noddy Holder og bassisten Jim Lea, og produsert av Slade. I 1981 kom songen ut att på ny på det neste albumet deira, We'll Bring the House Down og kom ut som den andre singelen frå dette albumet i mars. Han nådde då 60. plassen på den britiske singellista.^[2][3]

Wheels Ain't Coming Down Singel av Slade frå albumet Return to Base..../ We'll Bring the House Down
B-side	Not Tonight Josephine
Utgjeve	27. mars 1981[1]
Innspelt	1979
Sjanger	Rock
Lengd	3:37
Selskap	Cheapskate
Låtskrivar(ar)	Noddy Holder, Jim Lea
Produsent	Slade
Slade-kronologi
«We'll Bring The House Down» (1981)	Wheels Ain't Coming Down	«Knuckle Sandwich Nancy» (1981)

Songen kom òg ut på EP-en Six of the Best i 1980, som ikkje gjekk inn på salslista.

«Wheels Ain't Coming Down» fortel ei soge om ei nær døden-oppleving Holder og Lea hadde på ei flyreise til Los Angeles.^[4] Hjula på flyet kom ikkje ned og flyet måtte kræsjlande.^[5]

B-sida til singelen var «Not Tonight Josephine», som tidlegare hadde vore B-side på singelen «Sign of the Times» i 1979.^[6]

Det vart filma ein musikkvideo til songen, men han vart ikkje vist då singelen kom ut. Han var regissert av Eric Boliski. Videoen vart filma ettermiddagen 10. mars 1981 i Southampton Gaumont, før bandet skulle halde konsert der på kvelden.^[7]

Innhald

7"-singel

1. «Wheels Ain't Coming Down» – 3:37
2. «Not Tonight Josephine» – 3:03

Salslister

Liste (1981)	Plassering
UK Singles Chart[3]	60

Medverkande

• Noddy Holder – solovokal, rytmegitar, produsent, arrangør
• Dave Hill – sologitar, korvokal, produsent, arrangør
• Jim Lea – bass, korvokal, produsent, arrangør
• Don Powell – trommer, produsent, arrangør