When We're Old

«When We're Old» (norsk 'når vi blir gamle') er ein song frå 2018 med Ieva Zasimauskaitė. Songen vann den litauiske songtevlinga "Eurovizijos" dainų konkurso nacionalinė atranka og var det litauiske bidraget til Eurovision Song Contest 2018 i Lisboa.^[1]

«When We're Old» Song av Ieva Zasimauskaitė
Land	Litauen
Språk	Engelsk
Utgjeve	13. februar 2018
Lengd	02:59
Låtskrivar(ar)	Vytautas Bikus

Om songen

«When We're Old» er skriven av Vytautas Bikus.^[2] Songen blei plukka ut til å delta i songtevlinga til den litauiske kringkastaren LRT televizija Eurovizijos dainų konkurso nacionalinė atranka.^[3] Etter fleire innleiande runder og semifinalar tok songen seg til finalen 11. mars 2018. Der vann han og blei dimed det litauiske bidraget til Eurovision Song Contest 2018.^[4]

Eurovision Song Contest

I januar 2018 blei Litauen trekt til å delta i den fyrste semifinalen av Eurovision Song Contest.^[5] Semifinalen blei arrangert i Altice Arena i Portugal tysdag 8. mai, og Litauen hadde startnummer 6.^[6] «When We're Old» blei blant dei ti beste i semifinalen og kvalifiserte seg dimed til finalen laurdag 12. mai.^[7] I finalen blei songen nummer 12 av 26 deltakarar.^[8]