Ytre Samlafjorden

60°20′28.396″N 6°15′19.228″E

Ytre Samlafjorden
Norheimsund med Ytre Samlafjorden i bakgrunnen. Foto: Jan Aril Sivertsen
Land	Noreg
Fylke	Vestland
Kommune	Kvam, Ullensvang
Ytre Samlafjorden 60.34122111°N 6.25534111°E / 60.34122111; 6.25534111

Ytre Samlafjorden er ein del av Samlafjorden og Hardangerfjorden i kommunane Kvam og Ullensvang. Fjorden har innløp i sørvest mellom sjølve tettstaden Jondal og Tørvikbygd og strekkjer seg 12 km nordaustover til Indre Samlafjorden. Sørvest for Samlafjorden ligg Hissfjorden

Mellom Jondal og Tørvikbygd går det ferjesamband. Litt aust for Tørvikbygd vert fjorden langt mykje breiare, om lag 10 km, og på nordsida her ligg tettstadane Norheimsund, som er kommunesentret i Kvam, og Øystese. Rett sør for Norheimsund ligg bygda Vikøy. Mellom Norheimsund og Øystese ligg Børveneset. Ut i fjorden frå Øystese ligg Kvamsøy.

På sørsida av fjorden ligg bygdene Svåsand og Herand. Rett nord for Herand stig fjellet Samlen opp til ei høgd på 686 meter over havet. Samlen og Samlaneset som ligg nedanfor fjellet har gjeve namn til heile dette fjordstykket og markerer grensa mellom Ytre og Indre Samlafjorden. Den nordlege grensa mellom desse to fjordane ligg ved Fyksesund, ein 10 km lang sidefjord til Samlafjorden.