Fysikk er vitskapen om den uorganiske naturen. Faget prøver å forstå naturlovane, korleis verda verkar. Fysikken dekker mellom anna korleis atom er bygde opp og korleis verdsrommet har og vil utvikla seg. Ordet kjem frå gresk φυσικός (physikos), som tyder «naturleg».

Ein teknisk atmosfære er ei trykkeining som er lik 1 kilopond per kvadratcentimeter eller 980,665 hPa eller om lag 0,96784 standardatmosfære. Eininga er ikkje ei SI-eining.

Fra Fysikkens Verden er eit norskspråkleg tidsskrift med artiklar om norsk og internasjonal fysikk. Artiklane har ei populær form og omhandlar både historiske, aktuelle og biografiske tema frå fysikken. Dei er skrivne av norske fysikarar. Tidsskriftet kom første gong ut i 1956.