Main

La main (Cotentinais : man, Guernésiais : môin) est eune partie du corps au but du bras des gens et des marmoûsieaux avanchis (des prînmaux). Les dés et l'pônchet opposabl'ye sont capabl'yes dé gaffer dé tchi: eune branque ou du mangi, par exempl'ye, et l'mannier. Si l'pônchet n'est pon opposabl'ye, nou dithait pustôt qu'ch'est eune patte.

Ch't' articl'ye fut c'menchie en Jèrriais

La main

Tupaia javanica, Homo sapiens

Les dés

	lé pônchet	gros deigt
	lé preunmié dé	l'arideigt
	lé maître dé	mouss'cotin
	Jean des sceas	Jean des sceaus
	lé p'tit dé	p'tit quérouin

Drouaite et gauche

La mâjorité des gens sont des dêtrièrs - dans les 80% - et avaû les siècl'yes nou s'est mêfié des gaûchets et lus a bein souvent oblyigi d'faithe sèrvi la main drouaite pouor êcrithe. Achteu dans bein des pays nou considéthe qu'ch'est compliètement acceptabl'ye pouor les gaûchets d'faithe sèrvi la main gauche.

Y'a tchiqu's'uns tchi peuvent faithe sèrvi les deux mains d'la même manniéthe - ch'est d's ambidêtrièrs (un ambidêtri/eune ambidêtriéthe).

Des couôteunmes

Châtchi d'main

Nou châque dé main pouor atchilyi tchitch'un.

Ditons

• Mains fraides, tchoeu sain
• Fai du bein à un vilain, i' t'êcopitha dans la main
• L'"M" dans la main annonche malheu
• La puche à la main, l'galant n'est pon liain
• Un ouaîsé dans la main vaut mus qué l'chein tchi vole
• La main m'pique, j'èrchév'thons des sou

Arînmée

Y'a d's arînmées pouor nommer les dés:

• Jèrriais : Ponchot, lippot, longis, malassis, Pièrre des côtis

Y a co' de quei à vei' ou à ouï' entou'
Hand
sus les Coumuns à Viquipédie