Muthâle

Eune muthâle est eune structuthe bâtie à seule fîn dé s'pather deux pièches.

• Cotentinais : murâle
• Guernésiais : mur
• Jèrriais : muthâle
• Serkyee : pare)

Ch't' articl'ye fut c'menchie en Jèrriais

Des muthâles à pièrre secque

Y'a des muthâles à l'entou dé clios (ofûche des muthâles à pièrre secque), dé bels, dé haûgards, dé gardîns et tout chenna.

Les muthâles sont bâties étout pouor la seûth'té - pouor protégi des châtchieaux, pouor faithe eune prison, ou ofûche à seule fîn dé d'fendre eune frontchiéthe, par exempl'ye:

• La Grande Muthâle dé Chinne
• La Muthâle dé Bèrlîn
• La Muthâle à Hadrien

Des muthâles sont bâties atout des difféthents matéthiaux:

• des pièrres
• des briques
• du bouais
• du chînment

Dans l'architectuthe, eune muthâle peut diviser eune maîson en appartéments. Y'en a tchi dithent qué ch'est un pathai (Guernésiais : paré). Les muthâles du d'houors d'eune maîson sont les côtchiéthes et les pîngnons (Guernésiais : pignaon). S'lon lus contrats, deux jouaingnants peuvent aver la mitouoyenneté d'lus pîngnons et d'lus muthâles. Autrément, i' peuvent aver lé r'lié d'eune muthâle.

Viyiz étout

Y a co' de quei à vei' ou à ouï' entou'
les muthâles
sus les Coumuns à Viquipédie

• Murâle ès Plleurs
• Arche