Acceleracion
From Wikipedia, the free encyclopedia
L'acceleracion designa una grandor fisica vectoriala, dicha « vector acceleracion » qu'es utilizada per representar la modificacion afectant la velocitat d'un movement en foncion dau temps. La nòrma d'aqueu vector es dicha « acceleracion » sensa precision suplementària. Es una grandor fisica fondamentala en mecanica car es indispensabla a l'estudi e a la descripcion de la màger part dei movements.
Dins la vida vidanta, l'acceleracion designa l'aumentacion de la velocitat ò l'aumentacion de la frequéncia d'ocurréncia d'un eveniment coma lo nombre de baticòrs ò una seguida de situacions. S'opausa a la deceleracion.