![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ec/Flag_of_Guatemala.svg/langoc-640px-Flag_of_Guatemala.svg.png&w=640&q=50)
Bandièra de Guatemala
From Wikipedia, the free encyclopedia
La bandièra de Guatemala es formada per tres bandas verticalas, blau cel als extrèms e blanc al centre. Lo blau simboliza l'ocean Pacific e l'ocean Atlantic, que bordejan los dos costats del país, mentre que lo blanc simboliza la puretat de las valors del país.
![Thumb image](http://upload.wikimedia.org/wikipedia/commons/thumb/e/ec/Flag_of_Guatemala.svg/640px-Flag_of_Guatemala.svg.png)
Aquesta disposicion repren la de la bandièra de l'Union de l'America Centrala, e mai qu'aquela aja de bandas oritzontalas.
Al centre i a una corona de fuèlhas d'olivièr qu'enròdan dos fusilhs e doas espasas crosadas. Al mitan i a un pergamin amb l'inscripcion Libertad 15 de septiembre de 1821, amb un quetzal quilhat dessús. L'aucèl simboliza la libertat amb la data de l'independència de l'America Centrala. Los fusilhs e las espasas son la volontat de defendre lo país s'es necessari, mentre que las brancas d'olivièr son simbòl de patz.