From Wikipedia, the free encyclopedia
Lo fotbòl american es un espòrt collectiu jogat entre doas equipas d'onze jogaires qu'altèrnan entre la defensa e l'ataca. Derivat del rugbi, es l'espòrt pus popular ais Estats Units. La competicion principala del mond es lo National Football League (NFL).
Per conservar la possession, l'equipa atacaira deu recórrer almens 10 yards (9,1 m) en 4 temptativas (downs). Dins lo meteis temps, l'equipa en defensa deu empedir l'ataca d'aténher aquel objectiu, amb la tòca de repréner la possession del balon. Se l'equipa atacaira valida 10 yards o mai durant sa possession, beneficia de quatre nòvas temptativas per contunhar a ganhar de terrenh.
Los ponches pòdon èsser marcats de diferentas faiçons: en passant la randa amb lo balon, en lançant lo balon a un autre jogaire situat de l'autre costat de la randa o en tirant al pè lo balon entre las barras advèrsas. Lo venceire es l'equipa avent marcat lo mai de ponches a la fin de la partida.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.