From Wikipedia, the free encyclopedia
Una mutacion genetica es una modificacion de l'informacion genetica dau genòma contenguda dins una cellula. Pòu entraïnar la disparicion d'un caractèr preexistent ò l'aparicion d'un caractèr novèu. Es generalament lo resultat de la modificacion d'un segment d'ADN, mai ò mens important, portat per un cromosòma mai dins de cas extrèms, es acompanhada per un cambiament de l'estructura ò dau nombre de cromosòmas. Lei modificacions pus frequentas son la pèrda d'un fragment de cromosòma (delecion), l'insercion d'un tròç d'ADN (insercion) e lo destacament d'un segment de cromosòma e sa fixaxion sus un autre (translocacion). Un nombre important de mutacions entraïnan de problemas de foncionament grèus e s'acaban per la mòrt de la cellula. Pasmens, lei mutacions viablas son de fenomèns estables (transmissibles a la descendéncia dei cellulas modificadas), rars, especifics (regardan generalament un trach precís) e espontanèus. Pasmens, i a de compausats quimics, dichs « mutagèns », que son capables d'aumentar la frequéncia dei mutacions. Lei mutacions que tòcan lei cellulas pòdon èsser transmesas a la descendéncia. Son donc lo motor de l'evolucion en permetent l'aparicion d'espècias novèlas. D'efiech, s'una mutacion viabla ofrís d'avantatges adaptatius a un individú, a mai de possibilitats d'èsser tornarmai transmesas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.