![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e5/Flag_of_Yugoslavia_%25281918%25E2%2580%25931941%2529.svg/langoc-640px-Flag_of_Yugoslavia_%25281918%25E2%2580%25931941%2529.svg.png&w=640&q=50)
Panslavisme
From Wikipedia, the free encyclopedia
Lo panslavisme es una ideologia que foguèt influentat durant lo sègle XIX e au començament dau sègle XX. Basada sus lo sentiment de l'existéncia d'un eiretatge istoric e culturau comun a totei lei pòbles eslaus, aviá per objectiu de realizar l'unitat politica de l'ensemble d'aquelei pòbles. Foguèt lo movement successor d'un eslavisme culturau aparegut durant lei sègles XVII e XVIII gràcias a de personalitats coma Juraj Krizanic (v. 1618 - 1683), Josef Dobrovsky (1753-1829) e Jan Kollár (1793-1852).
![Thumb image](http://upload.wikimedia.org/wikipedia/commons/thumb/e/e5/Flag_of_Yugoslavia_%281918%E2%80%931941%29.svg/320px-Flag_of_Yugoslavia_%281918%E2%80%931941%29.svg.png)
Lo panslavisme inspirèt divèrsei projèctes de federacion ò de confederacion dei pòbles eslaus prepausats per de movements liberaus ò revolucionaris. Pasmens, foguèt tanben fòrça popular en Russia per justificar l'unificacion de totei lei pòbles eslaus sota la direccion dau tsar. Aqueu corrent foguèt poderós deis ans 1850 a la Premiera Guèrra Mondiala. Lo panslavisme foguèt egalament popular dins lei Balcans e aguèt un ròtle important dins la formacion de Iogoslavia, Estat destinat a unificar leis Eslaus dau Sud.
L'abandon dau panslavisme per l'URSS e la revirada de l'experiéncia iogoslava a entraïnat un declin important de l'ideologia panslava dins lo mond modèrne. Lei tensions entre Russia e plusors país eslaus vesins (Polonha, Ucraïna...) renforçan aquela disparicion. Pasmens, lo panslavisme explica encara certanei particularitats diplomaticas europèas coma la proximitat istorica granda entre Russia, Serbia e Bulgaria.