Renaissença (partit politic)
From Wikipedia, the free encyclopedia
Renaissença (ancianament La République en marche) es la marca depausada de l'Association pour le renouvellement de la vie politique (Associacion pel renovèlament de la vida politica), un partit politic social-liberal[1],[2],[3],[4] francés lançat lo 6 d'abril de 2016 per Emmanuel Macron, alara ministre de l'Economia, de l'Industria e del Numeric del govèrn de Manuel Valls. Es classificat al centre sus l'escaquèr politic[5],[6],[7].
Las valors revendicadas per Renaissença son lo rebut de tota forma de conservatisme[8], una adesion proclamada al progressisme[9],[10],[9],[10],[8], lo ligam a l'Union Europèa[11], l'adaptacion economica de la França a la globalizacion[11],[12],[13] e l'engatjament de moralizar e modernizar la vida politica francesa[14] .
S'apiejant fòrça suls malhums socials[15], lo movement ten la particularitat d'acceptar las adesions dels membres d'autres partits[16] e d'impausar pas cap de cotizacion als sieus aderents[17]. Lo partit fa figurar l'aprigondiment del projècte europèu d'entre sas vaors fondamentalas[11], çò que li val d'èsser sovent presentada coma lo partit mai proeuropèu de l'escaquièr politic francés[18],[19],[20]. Elegit president de la Republica lo 7 de mai de 2017, Emmanuel Macron demissiona de la presidéncia del movement que fondèt e qu'es tornar batejat La République en marche !, abans las Eleccion legislativas de junh de 2017.