From Wikipedia, the free encyclopedia
Lo territòri de las Tèrras Australas e Antarticas Francesas, correntament apelat « TAAF », constituís dempuèi la lei del 6 d'agost de 1955, un territòri d'otramar de França.
Terres australes et antarctiques françaises (TAAF) (fr) Francúzske južné a antarktické územie (sk) | |
(2016) | |
Administracion | |
---|---|
Estat | França |
Capitala | Saint-Pierre (Reünion)[1]. |
Lenga oficiala | francés |
Geografia | |
Coordenadas | 43° S, 67° E |
Superfícia | 7 829 km² |
Fus orari | +4 (illas Escampilhadas e illas Crozet) UTC+5 (illas Kerguelen e illa Saint-Paul e illa Amsterdam) UTC+10 (Tèrra d'Adelia) |
Demografia | |
• Totala | 196 ab. (2006) |
• Densitat | 0,03 ab./km² |
Economia | |
Moneda | Èuro |
Autras informacions | |
Domeni Internet | .tf |
ISO 3166-2 | FR-TF |
Sit web | taaf.fr taaf.fr… |
A sa creacion èra compausat de quatre districtes : tres subantartics e insulars al sud de l'ocean Indian : Kerguelen, Crozet e illas de Saint Paul e Amsterdam e mai une porcion del continent antartic, la Tèrra d'Adelia.
L'aplicacion del Tractat sus l'Antartica, al qual França aderís, plaça çaquelà la Tèrra Adelia dins una situacion particulara. La sobeiranetat francesa, qu'es pas reconeguda per qualques Estats, es exercida d'un biais confòrme al Tractat. Lo Tractat fa pas que suspendre las reivindicacions territorialas francesas e l'exercici de la sobeiranetat exclusiva, tant qu'aqueste Tractat serà en vigor.
La lei n°2007-224 del 21 de febrièr de 2007 portant disposicions estatutàrias e institucionalas relativas a l'otramar ajusta un cinquen districte a las Tèrras Australas e Antarticas Francesas, lo tropical de las illas Escampilhadas (illa Tromelin, illa Euròpa, Bassas da India, illas Gloriosas e illa Juan de Nova).
Cap dels districtes a pas jamai possedit, en defòra de qualques brèvas temptativas de colonizacion, de populacion permanenta. França i assegura çaquelà una preséncia umana continua (logistica, scientifica o militara) gràcias a de personals relevats regularament.
Lo territòri es creat en 1955.
Lista dels representants de l'Estat al cap del territòri dempuèi 1955:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.