Tònga
From Wikipedia, the free encyclopedia
Lo Reiaume de Tònga es un archipèu independent situat dins lo sud de l'Ocean Pacific. Organizat a l'entorn de l'illa de Tongatapu onte viu la màger part de la populacion, es poblat dempuei lo sègle XIII avC. Centre de l'Empèri Tu'i Tonga dau sègle X au sègle XIX, foguèt una poissança maritima majora de l'Ocean Pacific fins au sègle XV. En 1852, lo rèi George Tupou Ièr prenguèt lo poder e fondèt una monarquia constitucionala modèrna en 1875. Aquò empachèt pas l'establiment d'un protectorat britanic sus l'archipèu en 1900 mai lo dotèt d'institucions solidas que resistèron a la colonizacion. Tornarmai independent dempuei 1970, lo reiaume es ansin l'unica monarquia indigèna d'Oceania qu'es totjorn independenta. Pasmens, maugrat aqueu prestigi istoric, leis illas Tònga demòran un micro-Estat de l'espaci pacific plaçat sota la proteccion militara deis Estats Units. Lei ressorsas naturalas son raras e limitadas a l'agricultura e a la pesca.
| |||
Devisa nacionala: Ko e Otua mo Tonga ko hoku tofi'a | |||
Lengas oficialas | anglés, tongian | ||
capitala populacion (an) |
Nuku'alofa 23 221 abitants (2016) | ||
Rei | Tupou VI | ||
Primièr ministre | Siaosi Sovaleni | ||
Superfícia | 748 km² | ||
Populacion -Densitat |
100 209 (2021) 139 ab./km² | ||
Independéncia - Jorn |
(del Reialme Unit) 4 de junh de 1970 | ||
Moneda | pa'anga | ||
Ora | UTC+13 | ||
Imne nacional | Koe Fasi Oe Tu'i Oe Otu Tonga | ||
ISO-3166 (Internet) | .to | ||
Còde telefonic | +676 |
Lo gentilici es tongian -a (o tongalés -a).