![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Facultat_Farm%25C3%25A0cia_UMH-Sant_Joan.jpg/640px-Facultat_Farm%25C3%25A0cia_UMH-Sant_Joan.jpg&w=640&q=50)
Universitat Miguel Hernández d'Elx
From Wikipedia, the free encyclopedia
L'Universitat Miguel Hernández d'Elx es una universitat publica valenciana, tanben coneguda coma UMH, amb campus per tota la província d'Alacant e foguèt establida en l'an 1997. Son nom commemòra lo poèta Miguel Hernández d'Oriola. Forma part de la Ret d'Universitats Institut Joan Lluís Vives, cossí la rèsta de las Universitats dels Païses Catalans, e la ret Universia, cossí la rèsta de las Universitats d'Espanha e d'America Latina.
![Thumb image](http://upload.wikimedia.org/wikipedia/commons/thumb/7/77/Facultat_Farm%C3%A0cia_UMH-Sant_Joan.jpg/640px-Facultat_Farm%C3%A0cia_UMH-Sant_Joan.jpg)
![Thumb image](http://upload.wikimedia.org/wikipedia/commons/thumb/c/cc/Institut_Neuroci%C3%A8ncies-CSIC-UMH.jpg/640px-Institut_Neuroci%C3%A8ncies-CSIC-UMH.jpg)
![Thumb image](http://upload.wikimedia.org/wikipedia/commons/thumb/8/8b/UMHUniversitat.jpg/320px-UMHUniversitat.jpg)
Sa sedença centrala se tròba dins la vila d'Elx e s'estructura en quatre campus: Altea, Elx, Oriola e Sant Joan d'Alacant, ont s'impartisson distintes de titolacions. De mai, incorpòra divèrses instituts universitaris de recèrca.
Se tròba a l'ora d'ara en procès d'ampliament e remodelament de las estructuras en cada campus, mai que mai a Elx e a Sant Joan d'Alacant.
L'universitat es cabecièra dins congrèsses estudiantils en Sciéncias de la santat en avent lo Congrès nacional d'estudiants de Medecina (amb tres edicions internacionalas amb sa XXV edicion), lo Congrès d'estudiants de Farmacia (2a edicion nacionala amb sa 3a edicion) e de jornadas nacionalas de Fisioteràpia (3a edicion) e las de Podologia (6a edicion) en existint tanben congrèsses d'autras disciplinas coma lo Congrès nacional d'estudiants de Psicologia (amb sa 4a edicion) o lo Congrès nacional d'estudiants e licenciats en Sciéncias Ambientalas (amb sa 6a edicion).
L'universitat es dividida en departaments e facultats e d'escòlas, en essent ambedoas divisions independentas una de l'autra, aital un departament pòt èsser restacat a mai d'una facultat. A costat d'aquela division existisson los instituts de recèrca que son autonòms als departaments e facultats e dependon del vicerectorat de recèrca e desvolopament tecnologic.