Abadiá Sant Victor de Marselha

L'Abadiá de Sant Victor de Marselha es un dei luòcs pus importants per l’istòria dau cristianisme en Provença. Es estada fondada au sègle V per Joan Cassian autorn dei relíquias de quauquei sants coma justament Sant Victor. A la fin de l'Edat Mejana son activitat baissèt e maugrat que foguèt desmantelada a la Revolucion Francesa demòra un luòc religiós ambé la preséncia de testimònis paleocrestians.