Afaire Schnaebelé

L’afaire Schnaebelé es un incident frontalier francoalemand qu'aguèt luòc lo 20 d'abriu de 1887. Lo comissari de polícia Guillaume Schnæbelé (1831-1900), invitat per un omològ alemand per discutir de questions de servici, foguèt arrestat per espionatge a son intrada en Alemanha. Segon divèrsei testimònis, l'intervencion alemanda se debanèt en partida sus lo territòri francés, çò que una viva reaccion de René Goblet, president dau Conseu. Sostengut per lo generau Boulanger, ministre de la Guèrra, prepausèt de mandar un ultimatum exigissent la liberacion dau comissari e de mobilizar la resèrva per se preparar a una guèrra. S'aquela solucion foguèt refusada per lo president Jules Grévy, lo cancelier Otto von Bismarck acceptèt rapidament de liberar Guillaume Schnæbelé^[1].

Illustracion de l'arrestacion dau comissari Schnæbelé dau caire francés de la frontiera.

En França, aquel afaire renforcèt la popularitat dau generau Boulanger. Pasmens, lo bellicisme dau generau inquietèt tanben plusors personalitats politicas importantas coma Georges Clemenceau. Boulanger perdiguèt ansin rapidament lo sostèn d'una partida dei radicaus. Per conservar lo poder, amorsèt son evolucion vèrs lo programa populista que menèt a la crisi boulangista.

Liames intèrnes

• Georges Boulanger.

Bibliografia

• (en) William D. Irvine, The Boulanger Affair Reconsidered, Oxford University Press, 1989.
• (fr) Bertrand Joly, Aux origines du populisme : histoire du boulangisme, París, CNRS Éditions, 2022, 600 p.
• (fr) Benoît Vaillot, L'invention d'une frontière: entre France et Allemagne, 1871-1914, CNRS éditions, 2023, 510 p.